O'zbekiston elchisi va Eronning Hamadon viloyati gubernatori hududlararo hamkorlikni chuqurlashtirishga kelishib oldilar

O'zbekiston elchisi Fariddin Nasriyev amaliy tashrif bilan Eronning Hamadon viloyatida bo'ldi

Tashrif doirasida Hamadonning yangi tayinlangan gubernatori Hamid Melanuri bilan uchrashuv o'tkazildi. 

Muloqot chog'ida hududlararo hamkorlikni turli sohalarda, jumladan, savdo-iqtisodiy, investitsiya, turizm va madaniy-gumanitar yo'nalishlarda yangi bosqichga ko'tarish masalalari ko'rib chiqildi.

Hamadon gubernatori so'nggi yillarda ikki mamlakat rahbarlarining siyosiy irodasi natijasida O'zbekiston-Eron munosabatlari yangi bosqichga ko'tarilgani, shu jumladan, hududlararo hamkorlik, xususan, Buxoro va Hamadon o'rtasida yana-da mustahkamlanganini qayd etdi.

"O'zbekiston va Eron o'rtasidagi savdo-iqtisodiy, turizm sohalarida aloqalarni rivojlantirishdan manfaatdormiz. Shuningdek, o'zaro savdo hajmini yana-da oshirishga qaratilgan qo'shma loyihalarni ham amalga oshirishni qo'llab-quvvatlaymiz", - dedi gubernator Hamid Melanuri.